RSS

Tujhe tujhse chura kar main kya karoon

22 Dec

free-bird

Tu ek panchi hai,
Tujhe udna hai,
Jaana hai door, wahaan,
Padhne, seekhne, girne, sambhalne – udne
Teri ye udaan rok kar main kya karoon

Tujhe dekhu toh ye aankhein khilti hai, hasti hai,
Sach, in aankhon mein sirf tu hi basti hai,
Par,
Tera aashiyaana, shayad hai door kahin
Toh tera basera yahaan kaid karke main kya karoon

Sota hoon toh tere khwaab dekhkar,
Jaagta hoon tujhse milne ki aas lekar,
Jee raha hoon tere sahaare,
Par tu panchi hai,
Tujhpar iss rishtey ka booj daalkar,
Teri udaan mushkil karke main kya karoon

Yaad teri kabhi aati nahi,
Kyonki yaad toh unhe kiya jaata hai jinhe bhulaya jaa sake,
Ab apni saanso ko kaise bhool jau,
Raah teri kabhi dekhta nahi,
Kyonki raah toh unki dekhi jaati hai jo saath nahi hote,
Ab apni mulaakatein, jo aaj bhi mere saath hai, unhe kaise bhool jau

Pyaar kar baitha hoon tujhse,
Itna pyaar, na kiya hai kisise,
Shayad, na kar paoonga kabhi,
Ye tujhe batakar,
Teri udaan ka vo safar mushkil banakar main kya karoon

Mat dekh mujhe aaise,
Kahin tujhe bhi pyaar na ho jaaye,
Ye nasha hai,
Kahin tujhpe bhi sawaar na ho jaaye,
Dil ke raaste nahi hote aasaan,
Fir tera haath thaame, tujhe in raaston pe chalakar, main kya karoon

Tera ho chuka hoon,
Jaa chahe tu jahaan,
Teri uss hasi ke aangan mein jee loonga mai,
Tere unn laboon ke aashiyaane mein jee loonga mai,
Teri unn zulphon ke saaye mein jee loonga mai,
Jaane se pehle, bas ek baar mudd ke dekh lena,
Toh uss ek nazar ke sahare jee loonga mai

Mera farishta hai tu,
Meri maangi hui dua hai tu,
Mera sapna hai tu,
Shayad, koi apna hai tu,
Par khair,
Ye udaan zaroori hai,
Ye sapna, sapna hi theek hai,
Tujhe apna banake main kya karoon

Aashiq hoon tera,
Tere dil ka lootera nahi,
Tujhe tujhse chura kar mai kya karoon

~KK

 
Leave a comment

Posted by on December 22, 2013 in Poems

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: